Sabah Ramazan ayının 12-ci günüdür.
Qafqaz Müsəlmanları İdarəsinin açıqladığı Ramazan təqviminə əsasən, martın 2-i üçün namaz vaxtları:
Sübh azanı - 05:52;
Zöhr azanı - 12:53;
Əsr azanı - 16:50;
Məğrib azanı - 18:48;
İşa azanı - 19:48.
Rayonlar üzrə sahur və iftar vaxtları aşağıdakı qaydada müəyyənləşdirilib (dəqiqə):
Ağsu +5, Balakən +5, İsmayıllı +6, Oğuz +11, Qax +11,Qəbələ +8, Quba +5, Qusar +4, Şabran +4, Şamaxı +6, Şəki +12, Siyəzən +3, Xaçmaz +4, Zaqatala +15 dəqiqə.
12-ci günün imsak vaxtı üçün duasını təqdim edirik:
"Allahummə zəyyinni fihi bis-sətri vəl-əfaf. Vəsturni fihi bilibasil-qünui vəl-kəfaf. Vəhmilni fihi ələl-ədli vəl-insaf. Və amilni fihi min kulli ma əxaf. Bi- ismətikə ya ismətəl-xaifin".
Tərcüməsi:
"İlahi, bu gün günahlarımı gizlətmək və iffət bağışlamaqla məni zinətləndir. Bu gün mənə qənaət və kifayətcillik libasını geyindir. Məni bu gün ədalət və insafa vadar et. Bu gün məni bütün qorxduğum şeylərdən amanda saxla. İsmətinə and verirəm, ey qorxu içində olanların mühafizəçisi"
İftar duası:
"Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli".
Tərcüməsi:
"İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla!"
Allah orucunuzu qəbul etsin!
