Qusar Rayon Polis Şöbəsinin Dövlət Yol Polisi Bölməsinin əməkdaşları rayon ərazisində "Təmiz hava aylığı" ilə əlaqədar maarifləndirici və profilaktik tədbirlər həyata keçiriblər.
Shimal.News xəbər verir ki, tədbirlər zamanı avtomobillərin texniki vəziyyəti ciddi nəzarətdə saxlanılıb, atmosferə zərərli qazların yayılmasına səbəb olan nasazlıqlar aşkarlanaraq sürücülərə xəbərdarlıqlar edilib.
Yol polisi əməkdaşları sürücülərlə aparılan söhbətlərdə nəqliyyat vasitələrinin vaxtında texniki baxışdan keçirilməsinin, mühərrik və qaz sistemlərinin saz vəziyyətdə saxlanılmasının ətraf mühitin qorunması və insanların sağlamlığı üçün xüsusi əhəmiyyət daşıdığını vurğulayıblar.
Qeyd olunub ki, tədbirlərin əsas məqsədi ekoloji təhlükəsizliyin təmin olunması, havanın çirklənməsinin qarşısının alınması və sürücülər arasında məsuliyyətli davranış mədəniyyətinin formalaşdırılmasıdır.
