Qusar şəhərinin Lermontov küçəsi 31 ünvanında yaşayan sakinlər hər gün ölüm qorxusu ilə üz-üzə olduqlarını deyirlər.
Shimal.News-a daxil olan məlumata görə, ərazidə yerləşən elektrik dirəyi qəzalı vəziyyətdədir və ən kiçik külək zamanı belə təhlükəli şəkildə silkələnir.
Sakinlərin sözlərinə görə, dirəyin aşması an məsələsidir. Məsələ ilə bağlı dəfələrlə aidiyyəti qurumlara zəng edilib və yazılı müraciətlər ünvanlanıb. Lakin bütün çağırışlara baxmayaraq, problem hələ də həll olunmayıb.
Sakinlər deyirlər ki, bu vəziyyətin davam etməsi ciddi faciəyə yol aça bilər.
"Dirək o qədər təhlükəli vəziyyətdədir ki, yüngül küləkdə belə yellənir. Sabah aşsa, bunun məsuliyyətini kim daşıyacaq?", - deyə sakinlər narazılıq ediblər.
Vətəndaşlar aidiyyəti qurumlardan təcili tədbir görülməsini, qəzalı dirəyin dəyişdirilməsini və mümkün faciənin qarşısının alınmasını tələb edirlər.
