Qusar rayonu Qusar-Şahdağ avtomobil yolunun Çiləgir kəndi ərazisində yol-nəqliyyat hadisəsi qeydə alınıb.
Unikal.az-ın məlumatına görə, hərəkətdə olan "Nissan Tiida" ilə "Kamaz" markalı yük avtomobili toqquşub.
Hadisə nəticəsində Bakı şəhər sakini, 1986-cı il təvəllüdlü Məcidov İbrahim Qabil oğlu və Zərdab rayon sakini, 1990-cı il təvəllüdlü Vəliyev Dilqəm Hüseyn oğlu müxtəlif dərəcəli bədən xəsarətləri alıblar.
Hər iki şəxsin vəziyyəti ağır qiymətləndirilir.
Faktla bağlı araşdırma aparılır.
