Qusarda milli-mənəvi dəyərlərin və xalq yaradıcılığı ənənələrinin təbliği məqsədilə "Milli folklorumuzu yaşadaq!" adlı mədəni-kütləvi tədbir təşkil olunub.
Shimal.News xəbər verir ki, Quba-Xaçmaz Regional Mədəniyyət İdarəsi və Qusar Rayon Mədəniyyət Mərkəzinin birgə təşkilatçılığı ilə keçirilən tədbir Qusar şəhərindəki N.Nərimanov adına Mədəniyyət və İstirahət Parkında baş tutub.
Tədbirin əsas məqsədi milli folklor ənənələrinin yaşadılması, xalq yaradıcılığı nümunələrinin təbliği və bu irsin gənc nəslə çatdırılması olub.
Proqram çərçivəsində rayonun klub müəssisələrində fəaliyyət göstərən dərnək üzvlərinin hazırladıqları rəsm əsərləri, əl işləri və tətbiqi sənət nümunələrindən ibarət satış-sərgi təşkil edilib. Sərgi iştirakçılar və ziyarətçilər tərəfindən böyük maraqla qarşılanıb.
Tədbirin bədii hissəsində isə Hil kənd Folklor Evinin "Mel" folklor xalq kollektivi, "İkram" ritm və rəqs qrupları, "Şahzada" folklor qrupu, eləcə də digər musiqi kollektivləri rəngarəng çıxışlarla tamaşaçılara xoş anlar yaşadıblar.
