Qusar şəhər Uşaq İncəsənət Məktəbinə Azərbaycanın və Dağıstanın Xalq artisti, görkəmli bəstəkar Elza İbrahimovanın adı verilib.
Shimal.News xəbər verir ki, bununla bağlı qərar Nazirlər Kabineti tərəfindən qəbul olunub.
Qeyd edək ki, milliyyətcə ləzgi olan Elza İbrahimovanın yaradıcılıq fəaliyyəti əsasən Bakıda keçib. O, həm Azərbaycanın, həm də Dağıstanın Xalq artisti fəxri adlarına layiq görülmüş, eyni zamanda Azərbaycanın Əməkdar incəsənət xadimi adına sahib olub. Bəstəkar 2002-ci ildən etibarən Azərbaycan Prezidenti Heydər Əliyevin təqaüdçüsü olub.
Elza İbrahimovanın yaradıcılığı Azərbaycan və Dağıstan xalqları arasında mədəni körpü kimi qiymətləndirilir.
