Qusar rayonunun Əniq kəndində elektrik dirəklərinin yararsız vəziyyətdə olması sakinlərin ciddi narahatlığına səbəb olub.
Shimal.News-a müraciət edən kənd sakinləri bildirirlər ki, ərazidəki köhnə, çürümüş şalban dirəklər hər an qırıla və naqillər evlərin üzərinə düşə bilər.
Onların sözlərinə görə, məsələ ilə bağlı aidiyyəti qurumlara dəfələrlə müraciət olunmasına baxmayaraq, problemə hələ də müdaxilə edən yoxdur:
“10 minlik xəttin dirəklərinin vəziyyətinə baxın. Dəfələrlə məlumat vermişik, amma gələn yoxdur. Allah etməsin, bu dirəklər aşsa, faciə qaçılmaz olacaq”.
Əhali elektrik təsərrüfatında təcili yenidənqurma işlərinin aparılmasını, çürümüş dirəklərin dəyişdirilməsini və təhlükəsizlik tədbirlərinin görülməsini tələb edir.
Sakinlər ümid edirlər ki, bu problem gec olmadan aradan qaldırılacaq.
