Qusarda 8 Mart – Beynəlxalq Qadınlar Günü və 10 Mart – Milli Teatr Günü münasibətilə tədbir təşkil olunub.
Shimal.News xəbər verir ki, Qusar Dövlət Ləzgi Dram Teatrında konsert proqramı baş tutub.
Teatrın yaradıcı kollektivi tərəfindən qonaqlara musiqi və rəqs nömrələri təqdim edilib, tamaşaçılara maraqlı səhnə çıxışları nümayiş etdirilib.
Tədbirdə şəhid ailələrinin qadın üzvləri, eləcə də rayonun müxtəlif idarə və müəssisələrindən olan xanımlar iştirak ediblər. Aktyorlar tərəfindən Üzeyir Hacıbəyovun "Arşın mal alan" və "O olmasın, bu olsun" əsərlərindən səhnələr təqdim olunub.
