Qusar rayonunda elektrik şəbəkələrinin yenidən qurulması işləri davam etdirilir.
Shimal.News xəbər verir ki, rayonun 68 kəndini, 1 qəsəbəsini və şəhərin bir hissəsini elektrik enerjisi ilə təmin edən yarımstansiyada əsaslı yenidənqurma işləri aparılıb.
"Azərenerji" ASC-nin Xaçmaz Regional Elektrik Şəbəkəsi MMC-nin direktoru Rəşad Qasımovun verdiyi məlumata görə, yarımstansiyanın ümumi gücü 2,5 dəfə artırılıb və rayonun artan enerji tələbatının qarşılanması təmin olunub.
Rayon İcra Hakimiyyətinin başçısı Sahir Məmmədxanov görülən işlərlə yerində tanış olub, növbəti mərhələdə yeni inzibati binanın tikintisi və digər layihələr barədə müzakirələr aparılıb.
