Qusar rayonunda 5.000 nəfər əhalisi olan 7 yaşayış məntəqəsini birləşdirən Qusar ‒ Xudat ‒ Langi ‒ Caqarqışlaq ‒ Urvaoba ‒ Atlıxan ‒ Kuzunqışlaq ‒ Zindanmuruqqışlaq ‒ Avaranqışlaq avtomobil yolunun əsaslı təmiri davam edir. Bu barədə ShimalNews 24 iyul tarixində məlumat verir.
Uzunluğu 23 km olan bu yol yararsız vəziyyətdə idi. Avtomobil Yolları Dövlət Agentliyi tərəfindən "İnşaat Norma və Qaydaları”nın tələblərinə əsasən, torpaq işləri, qazma, yolun normativ eninin alınması üçün genişləndirmə işləri görülüb, yol boyunca suların ötürülməsi məqsədilə zəruri yerlərdə suötürücü boruların tikintisi işləri icra olunub.
Yolun 13 km-lik hissəsinə 2 qat olmaqla yeni asfalt-beton örtüyü döşənib. Artıq yolun digər hissəsinin də döşənməsi aparılır.
