Qusarda iti dəmir parçaları piyadalara xəsarət yetirə bilər.
Bu barədə Shimal.News-a danışan sakinlər bildiriblər ki, yaşadıqları ərazidə insan həyatına təhlükəyə laqeyd yanaşılır.
"Bura Qusar şəhər stadionunun arxa tərəfidir. Beton divardan çıxan dəmir parçaları göründüyündən daha itidir. Səkidən istifadə edən piyadalar bir toxunuşla xəsarət ala bilərlər. Hələ mən uşaqları demirəm. Məktəblilər burada zarafat edib bir-birlərini itələsələr, məsələ faciə ilə bitər", - deyə sakin bildirib.
Sözügedən ərazi gündəlik olaraq çoxsaylı piyadalar, o cümlədən məktəblilər tərəfindən istifadə olunur. Vətəndaşlar təhlükəsizliyin təmin olunmasını və məsul qurumların bu məsələni nəzarətdə saxlamalarını tələb edirlər.
