Qusarın Hil kəndində asfaltlanan küçənin bu gün saat 17:00-da açılışı keçiriləcək.
Bu barədə Shimal.News-a məlumat verən sakinlər bildiriblər ki, bu iş kənd camaatının şəxsi vəsaiti ilə görülüb.
"Dambus" adı ilə tanına yolda ümumilikdə 1500 metr uzunluqda asfalt çəkilib.
“Yol əvvəllər bərbad vəziyyətdə idi. Gediş-gəliş demək olar ki, ancaq yük maşınları üçün əlverişli idi. Kəndin mərkəzinə yaxın olan bu yol artıq istifadəyə veriləcək”, - deyə sakinlər bildiriblər.
Məlumat üçün bildirək ki, həmin bu yol kəndin icra nümayəndəliyini, bələdiyyəsini, həkim məntəqəsini, məktəbi və məşhur “Tac Mahal” kimi tanınan məscidi birləşdirir.
