Quba şəhəri, Gənclər parkının ətrafındakı yolun yalnız bir hissəsi asfaltlanıb.
Məsələ ilə bağlı Shimal.News-a danışan sakinlərin sözlərinə görə, inşaat işləri aparılan zaman asfalt örtüyü parkın yuxarı hissəsinə qədər çəkilib, qalan hissə isə yarımçıq saxlanılıb.
“Yol daş və torpaqdan ibarətdir, avtomobillərin və insanların hərəkəti zamanı isə güclü toz qalxır. Bu da ərazidə yaşayanlar və piyadalar üçün ciddi narahatlıq yaradır”,- deyə onlar bildiriblər.
Sakinlər aidiyyəti qurumlardan məsələyə diqqət yetirilməsini və yolun tam şəkildə asfaltlanmasını istəyirlər.
