Quba şəhərində Qələbə küçəsinin yolu baxımsız vəziyyətdədir.
Bu barədə Shimal.News-a məlumat verən sakinlərin sözlərinə görə, şəhərin mərkəzi küçəsi uzun müddətdir təmir edilmir.
Yolda çuxurlar, sakilərdə isə maneələr və asfaltın olmaması avtomobillərin və piyadaların hərkətində çətinliklər yaradır.
“Sadəcə cari təmir işləri aparmaqla problemi həll etmək mümkündür. Bununla belə, aidiyyatı qurumlar məsələni nədənsə görməzdən gəlirlər”, - deyə sakinlər bildiriblər.
Məlumat üçün bildiririk ki, Quba şəhər bələdiyyəsi, Quba Rayon Dövlət Yanğından Mühafizə Hissəsi və Quba-Xaçmaz Regional Məşğulluq Filialı bu küçədə yerləşir.
