Quba şəhərinin 10-dan artıq mərkəzi küçəsinin yolları acınacaqlı vəziyyətdədir.
Bu barədə Shimal.News-a yerli sakinlər məlumat veriblər.
Onların sözlərinə görə, şəhərin M.F.Axundzadə, Xətai, Qələbə, Salatın Əsgərova və digər mərkəzi küçələrinin əsaslı təmirə ehtiyacı var.
Qeyd olunan küçələrdə uzun müddətdir təmir işləri aparılmadığı üçün iri çuxurlar əmələ gəlib. Bu səbəbdən də həm piyadalar, həm də sürücülərin hərəkətində çətinlik yaşanır. Sakinlər bildirirlər ki, dəfələrlə aidiyyəti qurumlara müraciət olunsa da heç bir tədbir görülməyib.
