Quba rayonunun Aşağı Atuc kəndində sakinlər bir aydan artıqdır içməli su problemi ilə üzləşiblər.
Shimal.News xəbər verir ki, kənd sakinlərinin sözlərinə görə, yaşayış məntəqəsinin su təchizatı artezian quyusu vasitəsilə təmin olunur.
Bildirilir ki, bir neçə abonentin elektrik enerjisi üzrə borcu olduğu üçün artezian quyusunun fəaliyyəti dayandırılıb. Nəticədə isə borcu olmayan kənd sakinləri də içməli sudan məhrum qalıb.
Sakinlər hesab edirlər ki, bir neçə nəfərin ödənişi etməməsi səbəbindən bütün kəndin susuz qalması düzgün yanaşma deyil. Onlar problemin ədalətli şəkildə həll olunmasını və içməli su təminatının bərpa edilməsi üçün aidiyyəti qurumların çıxış yolu tapmasını istəyirlər.
