Qubanın Adur kəndində inşa edilən körpü istifadəyə verilib.
ShimalNews xəbər verir ki, kəndinin giriş hissəsində tikilən körpünün keçid hissəsinin uzunluğu 7 metr, eni isə 4 metr təşkil edir. İşlər Azərbaycan Avtomobil Yolları Dövlət Agentliyinin (AYDA) 11 №-li xüsusi təyinatlı yol istismarı MMC tərəfindən aparılıb.
Tədbirdə Quba Rayon İcra Hakimiyyətinin və AYDA-nın məsul şəxsləri, 11 №-li xüsusi təyinatlı yol istismarı MMC-nin rəhbərliyi və kollektivi, həmçinin Adur kənd sakinləri iştirak ediblər.
