Quba rayonundan Xınalıq kəndinə gedən yolda dağılmış körpünün təmirinə bu gün başlanılıb.
Bu barədə Shimal.News-a Quba 5 saylı Yol İstismar İdarəsinin sahə rəisi Bilal Soltanov məlumat verib. Onun sözlərinə görə, ərazidə müasir standartlara cavab verən körpü inşa olunacaq. Hava şəraiti imkan versə, yeni körpü ilin sonuna qədər istifadə veriləcək.
Sözügedən körpü Quba-Xınalıq yolunun 42-ci km-də yerləşir. Onun bu il iyul ayında sel nəticəsində uçması haqqında xəbər vermişdik. Hazırda 6 kəndin rayon mərkəzi ilə bu istiqamətdə əlaqəsi kəsilib. Sakinlər altenativ olaraq Quba-Susay-Xınalıq yolundan istifadə edirdilər.
