Bu gün Azərbaycan muğamı və xalq musiqisinin tanınmış ifaçısı, tarzən Nisim Nisimovun doğum günüdür.
Nisim Gililoviç Nisimov 25 dekabr 1950-ci ildə Quba rayonunun Qırmızı Qəsəbəsində anadan olub. O, uzun illər Azərbaycan musiqi mədəniyyətinin inkişafına töhfələr verib.
1996-cı ildə Qubada "Qübbə" instrumental ansamblını yaradıb. Ansambl Azərbaycan, yəhudi və ləzgi musiqilərini sintez edərək ölkəmizi bir sıra beynəlxalq tədbirlərdə uğurla təmsil edib və 2003-cü ildə Fransada keçirilən beynəlxalq folklor festivalının laureatı olub.
Nisim Nisimovun fəaliyyəti yalnız mədəniyyət sahəsi ilə məhdudlaşmayıb. O, 2004-2014-cü illərdə Qırmızı Qəsəbə bələdiyyəsinin sədri kimi qəsəbənin sosial-iqtisadi inkişafına və abadlaşdırılmasına rəhbərlik edib.
Sənətkar 2011-ci ildə "Tərəqqi" medalı ilə təltif olunub.
Bu il 75 yaşı tamam olan Nisim Nisimovun yubileyi münasibətilə keçirilən tədbirdə ona fəxri fərman və hədiyyələr təqdim edilib.
