Prezident İlham Əliyev səhiyyə işçilərinin təltif edilməsi ilə bağlı Sərəncam imzalayıb.
Shimal.News xəbər verir ki, sənədə əsasən, Azərbaycanda səhiyyə sahəsində səmərəli fəaliyyətinə görə bir qrup tibb işçisi dövlət təltifinə layiq görülüb.
Təltif olunanlar arasında Quba rayon Psixonevroloji Reabilitasiya Mərkəzinin şöbə müdiri Nəsir Şadı oğlu Muradov da yer alıb. O, səhiyyə sahəsində uzunmüddətli və səmərəli fəaliyyətinə görə "Tərəqqi" medalı ilə təltif edilib.
Qeyd edək ki, dövlət təltifləri səhiyyə işçilərinin peşəkar fəaliyyətinin və ölkənin tibb sahəsinin inkişafına verdikləri töhfənin qiymətləndirilməsi məqsədilə təqdim olunur.
