Qubadan Bakıya yük daşıyan sürücü avtomobilə normadan artıq yük vurduğu əsas gətirilərək ümumilikdə 15 min 400 manat cərimə olunub.
Soltan Yusifov yükün normaya uyğun olduğunu və əsassız cərimələndiyini bildirir.
Dediyinə görə, bu vəziyyətlə üzləşən təkcə o deyil, çox sayda sürücü ağırtonnajlı avtomobilinə artıq yük vurulduğu bildirilərək cərimə edilib.
Sürücü iddia edir ki, avtomobilinə vurduğu yük normadan artıq olmayıb, hətta bunu təsdiq edən sənədlər də var. Dediyinə görə, bir elektron tərəzidə çəkinin normaya uyğun olduğu, digərində isə artıq yükün vurulduğu bildirilib.
Şikayətçi deyir ki, qazandığı puldan çox cərimə yazılır. O məsələnin araşdırılması və müvafiq tədbir görülməsini istəyir.
Xezerxeber.az mövzu ilə bağlı daha ətraflı videomaterialı təqdim edir.
