Qubada qəzada xəsarət alan yaralıların vəziyyəti bəlli olub.
Bu barədə Tibbi Ərazi Bölmələrini İdarəetmə Birliyindən (TƏBİB) Shimal.News-un sorğusuna cavab olaraq məlumat verilib.
“12.12.2024-cü il tarixində saat 18:00 radələrində Quba rayonunda baş verən yol-nəqliyyat hadisəsi ilə əlaqədar Quba Rayon Mərkəzi Xəstəxanasının Təcili və təxirəsalınmaz tibbi yardım şöbəsinə çağırış daxil olub. Hadisə yerinə dərhal təcili tibbi yardım briqadası cəlb olunub və xəsarət alan 5 nəfər (kişi cinsli) Quba Rayon Mərkəzi Xəstəxanasına təxliyə olunub.
1997-cı il təvəllüdlü şəxsə sağ qaş üstü nahiyəsinin yumşaq toxumalarının əzilmiş cırılmış açıq yarası, 1994-ci il təvəllüdlü şəxsə sol baldırın lateral nahiyəsinin dəri altı yumşaq toxumalarının hematoması, 1998-ci il təvəllüdlü şəxsə sağ dizin yumşaq toxumalarının əzilməsi, 2000-ci il təvəllüdlü şəxsə döş qəfəsinin yumşaq toxumalarının küt travması, 2001-ci il təvəllüdlü şəxsə isə sağ alının təpə nahiyəsinin əzilmiş-sıyrılmış yarası diaqnozu təyin olunub, ilkin zəruri tibbi xidmətlər göstərildikdən sonra hər biri ambulator müalicə üçün evə buraxılıb”.
Nəzrin Vahid
