Dünən axşamdan başlayan güclü külək və yağış regionlarda fəsadlar törətməyə davam edir.
Shimal.News-un məlumatına görə, Quba-Xaçmaz avtomobil yolunun Timiryazev qəsəbəsindən keçən hissəsində, yol kənarında olan iri gövdəli, qurumuş ağac Gündüz Məcnunovun idarə etdiyi "Ford" markalı yük avtomobilinin və elektrik dirəyinin üzərinə aşıb. Nəticədə yük avtomobilinə və elektrik təsərrüfatına ziyan dəyib.
"Qurumuş ağaclar vaxtında kəsilib götürülsə, belə hadisələr də olmaz", - deyə sürücü bildirib.
Hadisə yerinə Quba Elektrik Şəbəkəsinin əməkdaşları gəlib, fəsadların aradan qaldırılması istiqamətində işlərə başlanılıb.
