Quba şəhərinin Səməd Vurğun küçəsi bir müddət əvvəl yenidən asfaltlanıb. Lakin, görülən işlər zamanı Səməd Vurğun küçəsinin Əliqulu Nərimanov küçəsinə birləşən 150 metrlik hissəsi nəzərdən qaçıb.
Shimal.News redaksiyasına müraciət edən sakinlər bildirirlər ki, bu səbəbdən yolda hərəkət çətinləşib.
“Büdcədən vəsait ayrılır, yol asfaltlanır. Lakin bir iş axıra qədər tam şəkildə yerinə yetirilmir. Sevinirik ki, artıq problemimizin biri həllini tapdı. Bir də görürük ki, həmişə kimi nə isə yarımçıqdır”, - deyə sakinlərdən biri bildirib.
Vətəndaşlar problemin tez bir zamanda həll olunmasını və aidiyyəti qurumların məsuliyyətli yanaşmasını istəyirlər.
