İlin sonuna qədər Quba-Xınalıq yolunun 42-ci km-də yeni körpü istifadəyə veiləcək.
Bu barədə Shimal.News-a Quba 5 saylı Yol İstismar İdarəsinin sahə rəisi Bilal Sultanov açıqlama verib.
Onun sözlərinə görə, yeni körpü müasir standartlara uyğun, 12 m uzunluğu və 6 m enində inşa olunacaq. Hazırda ərazidə köhnə körpünün qalıqları təmizlənir. Ərazinin dağlıq reylefdə yerləşməsi tikinti proseinə çətinlik yaratsa da, inşa işləri davam etdirlir.
Məlumat üçün bildirək ki, sözügedən körpü bu ilin iyul ayında sel nəticəsində uçaraq yararsız hala düşüb. Nəticədə 6 kəndin rayon mərkəzi ilə əlaqəsi kəsilib. Bu səbəbdən hazırda yerli əhali alternativ olaraq Quba-Susay-Xınalıq yolundan istifadə edir.
