Son vaxtlar baş verən təbii fəlakətlər Quba rayonunda bəzi yolları yararsız hala salıb. Mövcud vəziyyət fonunda yerli sakinlər yeni təhlükə ilə bağlı xəbərdarlıq edirlər.
Onlar Shimal.News-a bildiriblər ki, Uzunmeşə kəndini üzü Gəray kəndi istiqamətində keçdikdə potensial risk yaranıb. Aramsız yağan yağışlar və sel nəticəsində Susayçay öz məcrasını genişləndirərək sahili əsas yola qədər yaxınlaşdırıb.
Onlar hesab edirlər ki, növbəti güclü yağıntılar yolun dağılması ilə nəticələnə bilər.
Sakinlər vəziyyətin ciddiliyini nəzərə alaraq aidiyyəti qurumlara müraciət edərək ərazidə sahilbərkitmə və digər qabaqlayıcı tədbirlərin görülməsini zəruri sayırlar.
