Qubada saat 9:00-da avtomobil dəmir dirəyə çarpılıb. Bu barədə ShimalNews 24 dekabr tarixində məlumat verir.
Hadisə Heydər Əliyev prospekti ilə A.Hüseynzadə küçəsinin kəsişməsində baş verib. Buna səbəb “Mercedes” markalı avtomobilin idarəetmədən çıxması olub.
Xəsarət alan olmayıb. Əraziyə polis əməkdaşları çağırılıb.
Sürücünün sözlərinə görə, o, prospektlə üzü yuxarı istiqamətdə hərəkət edirdi. Bu zaman A.Hüseynzadə küçəsindən “Mercedes” markalı avtomobilin yola çıxdığını görüb, manevr edib və qəza baş verib.
Digər avtomobilin sürücüsü isə bildirib ki, o, həmin an yola çıxmırdı.
