Quba rayonunun Alekseyevka kəndinin sakinləri 2 gündür ki, soyuqdan donurlar. İndi isə bəzi sakinlər qorxu içində yaşayır.
Onlar Shimal.News-a məlumat veriblər ki, dünən Bədiyar Babayevə məxsus fərdi yaşayış evdə partlayış və ardınca yanğın olub. Sonra mavi yanacağın təminatı dayandırılıb. Bununla da 5 kənd qazsız qalıb.
Bakıdan ezam olunan mütəxəsisslər yoxlamalar aparıblar. Məlum olub ki, cihazlar digər evlərin yağınlığında da yerin altında qaz sızmasını qeydə alıblar.
Sakinlər bildiriblər ki, yanğın, yaxud partlayış olacağından qorxurlar. Üstəlik borunun zədəli yerini təmir etmək üçün qısa parça hissələrindən istifadə olunur.
