Quba şəhərinin Heydər Əliyev prospektində yolun maşınlar üçün olan hissəsi qardan təmizlənib. Ancaq təmizlənən qar səkilərə yığıldığı üçün piyadaların hərəkəti çətinləşib.
Shimal.News-a danışan sakinlərin sözlərinə görə, avtomobillərin hərəkəti üçün yol açıq saxlanılsa da, piyada keçidləri və səkilər faktiki olaraq keçilməz vəziyyətə düşüb.
Xüsusilə yaşlılar və azyaşlı uşaqlarla hərəkət edən valideynlər üçün bu vəziyyət əlavə çətinlik yaradır.
Vətəndaşlar aidiyyəti qurumlardan səkilərin də təmizlənməsini və piyadaların təhlükəsiz hərəkətinin təmin olunmasını xahiş edirlər.
