Samir Süleymanovun doğum günü münasibətilə xatirəsi ehtiramla yad olunub.
Shimal.News məlumat verir ki, şəhidlərimizin qəhrəmanlığı gənc nəslə vətənpərvərlik nümunəsi kimi təqdim olunur.
Samir 9 mart 1998-ci ildə Qubada anadan olub. O, İkinci Qarabağ müharibəsi zamanı torpaqlarımızın işğaldan azad olunması uğrunda gedən döyüşlərdə iştirak edib.
Samir Süleymanov Füzuli, Cəbrayıl və Xocavənd istiqamətlərində gedən döyüşlərdə igidlik göstərib. O, 7 noyabr 2020-ci ildə Xocavənd rayonunun Şəhər kəndi uğrunda gedən döyüşlərdə qəhrəmancasına şəhidlik zirvəsinə ucalıb.
Azərbaycanın ərazi bütövlüyünün təmin olunması uğrunda döyüş əməliyyatlarında göstərdiyi şücaətə görə Samir Süleymanov Azərbaycan Respublikasının Prezidenti İlham Əliyevin sərəncamları ilə ölümündən sonra bir sıra medallarla təltif edilib. O, "Vətən uğrunda", "Cəbrayılın azad olunmasına görə", "Füzulinin azad olunmasına görə" və "Xocavəndin azad olunmasına görə" medallarına layiq görülüb.
Qeyd edək ki, Vətən müharibəsi şəhidi Samir Süleymanovun xatirəsi daim ehtiramla anılır, onun qəhrəmanlığı gənc nəslə vətənpərvərlik nümunəsi kimi təqdim olunur.
