Quba rayonu ərazisində sərnişin avtobusu ilə minik maşını toqquşub. Nəticədə 1 nəfər ölüb, 12 nəfər isə xəsarət alıb.
Daxili İşlər Nazirliyinin Mətbuat xidmətinin Quba regional qrupundan “ShimalNews”a verilən məlumata görə, qəza Hacıhüseynli kəndi ərazisində avqustun 29-u səhər saatlarında olub.
"Ford" markalı sərnişin mikroavtobusu ilə “Chevrolet” markalı minik avtomobili toqquşub. Yaralılar Quba Rayon Mərkəzi Xəstəxanasına yerləşdiriliblər.
Faktla bağlı araşdırmalar davam etdirilir.
Foto “Bizim.Media”ya məxsusdur.
