Qubada şəhid Ceyhun İsayevin doğma küçəsi asfaltlanıb.
Shimal.News-a daxil olan məlumata görə, işlər Gültəpə kəndində müvafiq qurum tərəfindən həyata keçirilib.
Ceyhun İsayev ad günündə şəhidlik zirvəsinə ucalan qəhramanımızdır. O, 26 oktyabr 2001-ci ildə Gültəpə kəndində anadan olub. Vətən Müharibəsinin ilk günündən döyüşlərə qatılan Ceyhun əvvəlcə Talış kəndinin sonra isə Suqovuşanın azad olunması uğrunda döyüşlərdə fəal iştirak edib. 20 oktyabr 2020-ci ildə Müdafiə Nazirliyi Azərbaycan Ordusunun qələbələrində əməyi olan hərbi qulluqçularımızın televiziyada fotolarını paylaşıb. Həmin döyüşçülər arasında Ceyhun İsayev də var idi.
