Qubada saat 8:30 radələrində yol-nəqliyyat hadisəsi qeydə alınıb.
Shimal.News-un əldə etdiyi məlumata görə, qəza Alekseyevka kəndi ərazisində baş verib. “Toyota Prius” markalı minik avtomobili eyni istiqamətdə hərəkətdə olan “QazEl” markalı yük avtomobilinə çırpılıb.
Sürücülər bildiriblər ki, onların qarşısında olan avtomobil qəfil əyləcdən istifadə edib. “QazEl”in də sürücüsü əyləcdən istifadə etmək məcburiyyətində qalıb və bu vaxt “Prius” onunla toqquşub.
Əraziyə polis və sığorta əməkdaşları cəlb olunub.
