Quba şəhər A.Məmmədov adına 2 saylı təbiət fənləri təmayüllü məktəbdə narkomaniya və erkən nikahın fəsadları ilə bağlı maarifləndirici tədbir təşkil olunub.
Shimal.News xəbər verir ki, tədbirdə çıxış edən Quba RPŞ-nin rəisi, polis polkovniki Mehman Əliyev gənclərin zərərli vərdişlərdən uzaq durmasının, təhsilə və sağlam həyat tərzinə üstünlük verməsinin cəmiyyətin gələcəyi üçün mühüm əhəmiyyət daşıdığını bildirib. O, şagirdləri qanunlara hörmətlə yanaşmağa və vətənə faydalı vətəndaş olmağa çağırıb.
Görüş zamanı məktəblilərə narkotik vasitələrin insan sağlamlığına və cəmiyyətə vurduğu zərərlər, həmçinin erkən nikahın yaratdığı sosial və hüquqi problemlər barədə məlumat verilib.
Tədbir çərçivəsində şagirdlərə Polis Akademiyası və qəbul qaydaları haqqında da məlumat təqdim olunub.
