Qubada sürücülərin cərimələnməsi narazılıqlara səbəb olub.
Shimal.News-a müraciət edən vətəndaşların sözlərinə görə, qayda pozuntusu stasionar radar vasitəsilə deyil, "İ-Patrul" sistemindən düzgün istifadə edilməməsinə görə qeydə alınır.
"Mənim 99-GC-673 dövlət qeydiyyat nişanlı avtomobilimə protokol tərtib olunub. Göstərilib ki, sürət 60 km/s olan yerdə 83 km/s hərəkət etmişəm. Lakin məlumat lövhələrində "80" göstərilib", - dəyə vətəndaş bildirib.
Hüquqşünas-ekspert Ərşad Hüseynovun sözlərinə görə, "İ-Patrul" sistemi ilə təchiz edilmiş yol polisi xidməti avtomobillərinin sürücülərin sürətini ölçərək cərimə protokolu tərtib etməsi ilə bağlı qanunda konkret müddəlar var:
"Onlar yalnız üzərində radar yazılan 6.14 informasiya stendi olan, ya da sürətin məhdudlaşdırıldığı 3.24 nişanı quraşdırılan ərazidə işləyə bilərlər. Həm də yaşayış məntəqələrindən kənardadırsa, bu nişandan 150-1000 metr məsafədə sürəti ölçə bilərlər".
Vətəndaş müvafiq qurumdan yaranmış texniki uyğunsuzluğun aradan qaldırılmasını, tətbiq edilən tənbehlərin yenidən araşdırılmasını və əsassız cərimələrin ləğvini xahiş edir.
