Əlilliyi Olan Şəxslərin Sosial Müdafiəsinə və İnteqrasiyasına Dəstək (ƏSMİD) İctimai Birliyi tərəfindən "Bacarıqdan Peşəyə, Peşədən Məşğulluğa" layihəsi həyata keçirilib.
Shimal.News xəbər verir ki, Qubada ləzgi çörəyinin ("xran-fu") hazırlanmasına həsr olunmuş master-klass təşkil edilib.
Tədbirin məqsədi Azərbaycan milli kulinariya irsinin qorunması, bölgələrə məxsus ənənəvi çörəkbişirmə mədəniyyətinin yaşadılması və bu sahədə təcrübənin iştirakçılarla bölüşdürülməsi olub.
İştirakçılar xəmirin hazırlanması, yoğrulması, formaya salınması və ənənəvi üsullarla bişirilməsi prosesini yaxından izləyərək yeni bilik və bacarıqlar əldə ediblər.
Səmimi şəraitdə keçən tədbirdə təcrübə mübadiləsi aparılıb, Quba bölgəsinin zəngin kulinariya ənənələri haqqında məlumat verilib. İştirakçılar təşəbbüsü milli mətbəx dəyərlərinin gələcək nəsillərə ötürülməsi baxımından əhəmiyyətli addım kimi qiymətləndiriblər.
