Qubada Əliqulu Nərimanov və Şah İsmayıl Xətai küçələrinin kəsişməsində yol nəqliyyat hadisəsi baş verib.
Shimal.News-un əldə etdiyi məlumata görə, hadisə 14:05-də baş verib.
Şahid ifadələrinə əsasən, “VAZ-2107” markalı avtomobil keçid növbəsini gözləmədən üzü mərkəz istiqamətində hərəkət edən “Hyundai SanteFe” markalı avtomobilin yoluna daxıl olub. Bu zaman toqquşma baş verib. “Hyundai”ın sürücüsünün dediklərinə görə, həmin an o, özünü itirib və əyləc əvəzinə qaz pedalını basıb.
Qəza nəticəsində xəsarət alan olmasa da, ərazidən keçən qaz borusu sıradan çıxıb. Eləcə də avtomobillər yararsız hala düşüb.
