Şimal bölgəsində qarlı hava şəraiti davam edir. Sinoptiklərin proqnozuna görə, fevralın 24-dək qar yağacaq. Lakin bu müddət ərzində yolların və səkilərin təmizlənməsi ilə bağlı ciddi problemlər yaşanır. Xüsusilə Quba sakinləri səkilərin qardan təmizlənməməsindən narazıdırlar.
Shimal.News redaksiyasına daxil olan şikayətlərə əsasən, piyadalar üçün şəhərdə hərəkət etmək çətin bir problemə çevrilib. Səkilərin buz bağlaması nəticəsində yıxılaraq müxtəlif dərəcəli xəsarət alanların sayı artır.
Mütəxəssislərin fikrincə, piyadalar üçün bu cür hava şəraitində yıxılaraq xəsarət almaq, avtomobil qəzalarından xəsarət almaqdan daha realdır.
Sakinlər aidiyyəti qurumlardan yolların və səkilərin qardan təmizlənməsini və təhlükəsizliyin təmin olunmasını tələb edirlər.
