Quba rayonunun Üçgün kəndinin Əsgərbaxça məhəlləsində yolların vəziyyəti sakinləri narahat edir.
Məsələ ilə bağlı Shimal.News -a danışan sakinlərin sözlərinə görə, artıq 5-6 ildir ki, məhəllədaxili yollar baxımsız vəziyyətdə qalıb.
Yağışlı havalarda yollar tamamilə palçığa bürünür, hərəkət etmək isə demək olar ki, qeyri-mümkün olur. Xüsusilə məktəblilər bu vəziyyətdən əziyyət çəkir.
"Güclü yağışlardan sonra burada avtomobillə hərəkət belə mümkünsüz hala gəlir. Bəzən uşaqlarımız məktəbə gedərkən iki dəfə ayaqqabı dəyişməyə məcbur qalırlar. Görünür, aidiyyəti qurumlar bu yolların vəziyyətindən xəbərsizdir deyə, illərdir baxımsız qalıb", - deyə kənd sakinləri bildiriblər.
Kənd əhalisi müvafiq qurumlardan yolların təmir olunmasını və problemin qısa zamanda aradan qaldırılmasını tələb edir.
