Quba şəhərində quraşdırılan yol nişanı suallar doğurub.
Shimal.News xəbər verir ki, Azadlıq küçəsinin Heydər Əliyev prospekti ilə kəsişməsində "STOP" nişanı var. Onunla yanaşı yerləşdirilən məcburi istiqamət nişanı normativ tələblərə zidd olaraq həddindən artıq aşağı hündürlükdə və əyri vəziyyətdə quraşdırılıb.
Mütəxəssislərin fikrincə, bu cür uyğunsuzluqlar sürücülərin nişanları vaxtında fərq etməsinə mane ola və yol hərəkəti təhlükəsizliyinə ciddi risk yarada bilər.
Digər tərəfdən nişanın dirəyi yol kənarına yox, piyadaların hərəkət etdiyi səkinin ortasında quraşdırılıb. Bununla da piyadaların hərəkəti üçün əhəmiyyətli maneə yaranır.
Vətəndaşlar bu problemin aradan qaldırılması üçün aidiyyəti qurumların tədbir görməsini zəruri hesab edirlər.
