Qubanın Gədikqışlaq kəndi illərdir mavi yanacağa həsrət qalıb.
Shimal.News-a müraciət edən sakinlər bildirirlər ki, təminatla bağlı verilən vədlər sadəcə söz olaraq qalmaqdadır. SSRİ dövründən problem həllini tapmadığı üçün insanlar yaşayış məskənlərini tərk etmək məcburiyyətindədirlər.
Hazırda sakinlər bir maşınının qiyməti 700-1000 manat arasında dəyişən odun tədarükü ilə məşğuldurlar. Bu isə meşə və yaşıllıqların azalmasına səbəb olur.
Gədikqışlaqda təqribi 250 ev var. Sakinlərin gündəlik həyatda istifadə üçün elektrik enerjisi ilə də bağlı problemləri var. Xətlərdə daim qəzalar baş verir, dirəklər isə artıq cürüyüb.
