Quba rayonunun Püstəqasım kəndində içməli su problemi sakinləri uzun illərdir narahat edir.
Shimal.News-a müraciət edən kənd sakinləri bildiriblər ki, yay-qış demədən su çatışmazlığı yaşayırlar.
Sakinlərin sözlərinə görə, xüsusilə yay aylarında vəziyyət daha da çətinləşir və məcbur qalıb hər ay su almağa pul xərcləyirlər:
“Artezian quyusunun qazılması ilə bağlı dəfələrlə icra hakimiyyətinə müraciət etmişik, amma heç bir nəticə yoxdur”.
Vətəndaşlar məsələ ilə bağlı aidiyyəti qurumların hərəkətə keçməsini tələb edirlər.
