Quba rayonunun Alekseyevka kənd tam orta məktəbinin qarşısında illərdir həll olunmayan yol problemi valideynlərin narazılığına səbəb olub.
Məsələ ilə bağlı Shimal.News-a danışan yerli sakinlərin sözlərinə görə, yağışlı havalarda məktəbin qarşısındakı yol tamamilə su altında qalır.
“Bu yol təxminən 1 ay əvvəl qazılıb, lakin bərpa işləri isə görülməyib. Yağışlı havalarda ərazidə iri gölməçələr yaranır. Uşaqlarımız dərsə gedərkən çətinlik çəkir, palçıq və suya bataraq yolu keçməyə məcbur qalırlar.
Bu məktəbdə şagird sayı əksər kənd məktəblərindən çoxdur. Ancaq hər yağışda uşaqları bir sual düşündürür: "sabah dərsə gedəndə yolu necə keçək ki, üst-başımız palçığa bulaşmasın?!" Hamının maşını yoxdur axı”,- deyə valideynlər bildriblər.
