Quba şəhərində yol nəqliyyat hadisəsi baş verib.
Shimal News xəbər verir ki, hadisə şəhərin Əliqulu Nərimanov və Qələbə küçələrinin kəsişməsində qeydə alınıb.
"QazEL", "Toyota Prius" və "Mitsubishi Pikap" markalı nəqliyyat vasitələri toqquşub.
Qəza nəticəsində "QazEL" markalı yük avtomobili aşıb. Nəqliyyat vasitələrinə ciddi ziyan dəyib, hadisə zamanı 1 nəfər yüngül xəsarət alıb.
Hazırda faktla bağlı araşdırma aparılır.
Onu da xatırladaq ki, bu həftə ərzində eyni ərazidə baş verən ikinci qəzadır. İyulun 18-də eyni kəsişmədə "Vaz 2109" və "Kamaz" markalı avtomobillərin toqquşması nəticəsində 3 nəfər ağır xəsarətlər alıb.
