Bir müddət öncə Quba şəhərinin girişində, "ASAN xidmət"in dayanacağında elektrikli avtomobilləri şarj etmək üçün avadanlıq quraşdırılıb.
Shimal.News-a müraciət edən sürücülər bildiriblər ki, onlar həmin ərazidə avtomobillərini şarj etməkdə çətinlik çəkirlər:
"Nə zaman gəlsək, orada mütləq şəkildə hər hansı bir elektriklə çalışmayan avtomobilin park etdiyini görürük. Bəzi sürücülər heç bilmirlər ki, o avadanlıq nədir, nə üçündür, niyə onların qarşısında saxlamaq olmaz. Yalnız irad bildiriləndən sonra dayanacağı boşaldaraq yer verirlər. Amma hər dəfə eyni problemlə qarşılaşmaq bizi yorur. Bəzən həmin avtomobillərin sürücülərini saatlarla gözləməli oluruq ki, gəlib avtomobillərini çəksinlər, biz də avtomobilimizi şarj edək. Bunun qarşısını almaq üçün müvafiq nişanların qoyulmasına ehtiyac var".
