Quba rayonunun Xanəgah kəndində təhlükəli vəziyyət yaranıb.
Məsələ ilə bağlı Shimal.News-a danışan kənd sakinlərinin sözlərinə görə, əsas istifadə olunan yollardan birində yerləşən elektrik dirəyi sınıb və yol istiqamətinə əyilib.
"Bu yoldan gündəlik olaraq həm nəqliyyat vasitələri, həm də məktəblilər istifadə edir.
Dəfələrlə aidiyyəti qurumlara müraciət etsək də, hələlik heç bir tədbir görülməyib. Bu cür nasaz vəziyyətdə olan işıq dirəklərinə kənddə bir çox həyət evlərinin yaxınlığında da rast gəlinir.
Əyilmiş dirək istənilən an aşaraq ciddi təhlükəyə səbəb ola bilər", - deyə sakinlər bildiriblər.
Sakinlər aidiyyəti qurumlardan problemin qısa zamanda aradan qaldırılmasını tələb edirlər.
