Quba şəhərinin küçələrində avtomobillər təhlükədən qaçmaq üçün çoxsaylı manevr etməlidirlər.
Bununla bağlı Shimal.News-a məlumat verən sürücülər bildiriblər ki, lüklar yol səthindən xeyli aşağıda yerləşir.
Bu hal bütün mərkəzi küçələrdə müşahidə olunur. Buna görə də avtomobillərə ziyan dəyir və müəyyən ehtiyat hissələri tez-tez sıradan çıxır. Bəzən isə bu nöqsan yol-nəqliyyat hadisələrinə səbəb olur.
Ümumiyyətlə Quba şəhərində lüklara qarşı “qayğılı” münasibət var. Əvvəllər onların üzərində qapaqlar tapılmırdı, indi isə sürüclər onları asfalta baxaraq axtarmalı olurlar. Baxmayaraq ki, yollarda daim yeni səth çəkilir, bu məqam məsul qurum tərəfindən nəzərə alınmır.
Bir müddət öncə şəhərin H.Əliyev prospektini leysan yağışlar nəticəsində su basmışdı. Fövqaladə halı aradan qaldırmaq üçün vaxtı ilə asfalt qatının altında qalan lükləri tapıb, qaşıyıb, yerin altından çıxartmaq lazım olub.
View this post on Instagram
