Qubada dağ kəndlərinə “UAZ” və “NİVA” markalı avtomobillərlə qalxmaq istəyənlər üçün qiymət artıb.
Shimal.News-un əldə etdiyi məlumata görə, Qubadan Xınalıq, Cimi, Bostankeş, Haput, Cek, Əlik, Qəley-Xudat və bu istiqamətində gediş-gəliş haqqı 100 manat olub. Taksi xidmətindən təkcə yerli sakinlər deyil, turistlər də istifadə edirlər.
Yay aylarında və əvvəlki dövrdə bu rəqəm 60-70 manat idi. Hazırda ən yaxşı halda qiyməti 80 manata danışmaq olar. Buna səbəb isə, bu ilin iyul ayında sel sularının Quba-Qəçrəş-Xınalıq avtomobil yolunun 42-ci kilometrində Əlik çayın üzərində yerləşən avtomobil körpüsünün uçurmasıdır.
Həmin körpü 3 ay keçməsinə baxmayaraq hələ də bərpa olunmayıb. Alternativ olan Alpan-Susay-Xınalıq yolundan isə, qış aylarında istifadə etmək mümkün deyil.
