Quba, Qusar, Xaçmaz və ətraf rayonlardan sahibkarlar bir araya gələcəklər.
Shimal.News xəbər verir ki, tədbir TECHERA və QİAD-ın birgə təşkilatçılığı ilə Quba şəhərində baş tutacaq.
Regionun biznes və rəqəmsal inkişafına həsr olunan sammit sahibkarları, şirkətləri və gənc mütəxəssisləri bir araya gətirməklə yanaşı, Bakıdan böyük holdinq, dövlət və özəl müəssisələrin nümayəndələrinin iştirakı ilə geniş əməkdaşlıq imkanları yaradacaq.
Sammit çərçivəsində iştirakçıları gözləyir:
• Yerli istehsalçı və sahibkarların məhsul və xidmət sərgisi
• Karyera sərgisi və şirkətlərlə birbaşa əlaqə imkanı
• Rəqəmsal şirkətlər və innovativ texnoloji həllər zonası
• Banklar və maliyyə institutları ilə görüşlər və maliyyə imkanları
• Dövlət, biznes və təhsil strukturları arasında şəbəkələşmə mühiti
• Bakıdan böyük holdinq və aparıcı dövlət-özəl qurumlarla tanışlıq və əməkdaşlıq fürsətləri
Sammitin məqsədi regionda rəqabətqabiliyyətli və innovativ biznes ekosisteminin formalaşmasına, iqtisadi aktivliyin artmasına və uzunmüddətli tərəfdaşlıqların qurulmasına töhfə verməkdir.
