Qubada axşam saatlarında baş vermiş qəza nəticəsində əyilən dirək təmir edilir. Bu barədə ShimalNews 5 oktyabr tarixində məlumat verir.
İşlər H.Əliyev prospektində, “Qafqazoil” yanacaqdoldurma məntəqəsinin yanında aparılır. “Təmiz Quba” Mənzil Kommunal Təsərrüfatı Birliyinin əməkdaşları və xüsusi texnikası əraziyə cəlb edilib.
Dünən saat 19:45 radələrində adıçəkilən ərazidə yol-nəqliyyat qəzası baş vermişdir. “Mercedes” markalı marşrut avtobusu işıq dirəyinə çarpılmışdır.
